Gieri Christ Michael, Farden

«Jou sund naschieu a Farden a vi ear murir a Farden – also naschieu sunti se Mathon: Igls 39 eara rut or la gueara. Igl bab e ieu a maliter, lua e la mama ida sei se Mathon tier igls seas a jou sund naschieu lisei. La hebama gneva lua se da Donat, la Cadosi. Tres gis avànt e’la stada sei ca la Tina e naschida a tres gis suainter par me. A quegl ear a pe.»

→ TIER L’INTERVESTA

Beverin Interviews e egn project da l’istorgia orala agl Parc natiral Bavregn. Igl project consista da intervestas da video, da fotografeias a da podcasts da las abitàntas a digls abitànts da las vischnàncas digl Parc natiral Bavregn.

LAS DAVOSAS INTERVISTAS

DUMENI MANI

011 | Pignia | RM

ANDREETTA SCHWARZ

010 | Zillis & Splügen | DE

BENEDIKT CLOPATH

009 | Vargistagn | RM

→ TUTAS INTERVISTAS

LIEUS & LINGUAS

Sutsilvanas a sutsilvans, gualsras a gualsers vivan agls 9 vaschinadis anturn igl Pez Bavregn. Ellas ad els raquentan orda lur vetas. Quegl en las istorgias da quellas a quels c'en stos qua. Dunnas ad umens c'ân tgiro lur lungatgs, c'ân procuro ca las vischnàncas digl Parc natiral Bavregn en stadas amplanidas cun veta. Ad els lagnsa tarlar tier.

«Mintga carstgàn viva sia veta. A mintgegna da quellas vetas e interessànta a degn da vagnir raquintada. Ad igl en gest quella glieud cun lur fatschas plagn fòldas, cugls màns c'ân luvro, ca raquentan betga me orda lur atgna veta, mobagn raquentan cun lur istorgia ear l’istorgia da la valada, da la vischnànca.»

Casper Nicca, autur