«Jou sund naschieu a Farden a vi ear murir a Farden – also naschieu sunti se Mathon: Igls 39 eara rut or la gueara. Igl bab e ieu a maliter, lua e la mama ida sei se Mathon tier igls seas a jou sund naschieu lisei. La hebama gneva lua se da Donat, la Cadosi. Tres gis avànt e’la stada sei ca la Tina e naschida a tres gis suainter par me. A quegl ear a pe.»

Gieri Christ Michael, Farden

Gieri Christ Michael

002 | Farden | RM

Mintga damàn da las seat a measa earva Gieri Christ Michael (*1939) igl esch da sia tgea a Farden. El va sut la loptga, ca culeia sia tgea cugl clavo, or sen veia, va tras vischnànca ad anavànt sei digl stradùn viers Lohn. Ir a spass la damàn bòld e igl seas ritual par antschever igl gi. Adigna la madema runda, a duas gea l’eanda antopi el sen veia quel transporter da raps, ca vomi se Mathon, matem agl Volg. Quels stotgien cumprar egna massa lisei, gi’l cun egn surir: «La manischunza da quest transporter tigna mintg'ea cur c’ella veza me. Ella fa giou la faneastra, salida a nus bagliafagn ampo. Quegl e bi.»

Gieri Christ Michael â amprieu nign mastregn, mo luvro â’l gî a lieng agl madem mumaint gest sen dus mastregns: sco pur a sco luvraint da veias tigl cantùn.

Igl ple bi e par el, ca l’antiera famiglia e sàna.

«Jou sund naschieu a Farden a vi ear murir a Farden – also naschieu sunti se Mathon: Igls 39 eara rut or la gueara. Igl bab e ieu a maliter, lua e la mama ida sei se Mathon tier igls seas a jou sund naschieu lisei. La hebama gneva lua se da Donat, la Cadosi. Tres gis avànt e’la stada sei ca la Tina e naschida a tres gis suainter par me. A quegl ear a pe.»

Gieri Christ Michael, Farden