BENEDIKT clopath
009 | Vargistagn | RM
Igl Benedikt Clopath e naschieu igls 1950 a Vargistagn. Amprieu â el lenari a suainter dissigneader da construcziùn. Cun 45 ons â el fatg egna fatschenta sen sasez, survetschs comunals. El e ear quel ca veva da lez tains do nov schlansch agl club da scis Tumpriv, quel ca veva biagea sei la JO, ad, anzemel cugl Johann Clopath organiso las ampremas "Cursas da Schons".
Quegl ca jou se saragurdar palandava se Vargistagn, ved igl funs sura digl clavo digl Georg digl Peter, igl bab digl Beni Clopath egn model d'egn clavo. Cur ca jou eara famegl se Vargistagn, antschearta digls ons 80, passavi savens quel clavo a vurdava adigna sei sen quel model a safigurava sco anzatgi biagess par ver quel clavo. Igl model â igl Beni Clopath fatg, egna lavur par egna exposiziùn. Nundumbrevlas uras veigi el luvro, las seras, la sondas a dumengias, ad igl model veigi lura ear fatg impressiùn agl patrùn, ad el veigi gudagnea igl savund prezi da l'exposiziùn. Ansasez vessi quei gieu dad dar igl clavo nov pigl seas bab. Mo gliez e resto egn siemi. Ussa e igl model digl clavo vigl martsch ad igl Beni â samtgea el par meter segl rumient.
